Զգացե՜ք բնական կաթի համը
Ալպիական մարգագետինների անարատ կաթից։
Պատվիրեք Երևանում՝ GoShuka հավելվածով
Էլոլայի ողջ տեսականին այժմ հասանելի է GoShuka-ում։ Պատվիրեք և ստացեք ձեր դռան մոտ 24 ժամվա ընթացքում՝ ուղիղ գործարանից։
Ներբեռնել GoShuka
ՍկանավորեքԻնչու 
100% Բնական
Առանց կոնսերվանտների։ Առանց արհեստական համեմունքների։ Միայն մաքուր լեռնային կաթ։
Ավանդական Բաղադրատոմսեր
Սերնդե-սերունդ փոխանցված բաղադրատոմսեր, որոնք պահպանում են հայկական կաթնամշակույթի ավանդույթները։
Ժամանակակից Ստանդարտներ
HACCP-հավաստագրված գործարան՝ ամբողջական լաբորատոր որակի հսկողությամբ յուրաքանչյուր փուլում։
Նորություններ
12 հոկ, 2026 թ.
Էլոլայի պանիրներն այժմ GoShuka հավելվածում
Ուրախ ենք կիսվել լավ նորությամբ․ Էլոլայի պանիրներն արդեն հասանելի են GoShuka հավելվածում։ GoShuka-ն հայկական հարթակ է, որը ֆերմերային մթերքը ուղիղ արտադրողից հասցնում է գնորդի դուռը։ Մեզ համար սա բնական շարունակություն է այն սկզբունքի, որով աշխատում ենք Գորիսում սկզբից ի վեր՝ բնական կաթ, ավանդական բաղադրատոմսեր և առանց միջնորդների ճանապարհ դեպի ձեր սեղան։ Ինչ է սա նշանակում ձեզ համար․ • Հասանելի է Էլոլայի ողջ տեսականին՝ Կաչկավալից մինչև Մոթալ, Գյուղի պանրից մինչև Ապխտած սուլուգունի։ • Պատվերը հավաքվում է անմիջապես մեր գործարանից, առանց պահեստներում սպասելու։ • Առաքումը Երևանում՝ 24 ժամվա ընթացքում։ Պատվիրելու համար ներբեռնեք GoShuka հավելվածը App Store-ից կամ Google Play-ից, գրանցվեք և փնտրեք «Էլոլա»։ Շնորհակալ ենք, որ ընտրում եք բնականը։ [[button:Ներբեռնել GoShuka →|https://qr.buyer.goshuka.am/?src=site]]
5 հոկ, 2026 թ.
Հյուրեր Շվեյցարիայից՝ Էլոլայում
Վերջերս Էլոլան հյուրընկալեց շվեյցարացի զբոսաշրջիկների 13 հոգանոց խմբին՝ Monique Frey-ի գլխավորությամբ և տուրօպերատոր Aelita Chobanyan-ի ուղեկցությամբ։ Հյուրերը հնարավորություն ունեցան բացահայտելու պանրի ստեղծման ամբողջ ճանապարհը՝ շրջելով գործարանում, ծանոթանալով արտադրական գործընթացներին և այցելելով Էլոլայի նկուղները, որոնք նրանց վրա հատկապես մեծ տպավորություն թողեցին։ Ամենահաճելի պահերից մեկը, թերևս, ցուրտ սառնարանային տարածքներից դեպի ջերմ ու հյուրընկալ համտեսի սենյակ անցնելն էր։ Այստեղ հյուրերին սպասում էր ավելի քան տասը տեսակի պանրի համտես, որոնց շարքում իրենց տեղն էին գտել նաև մեր նոր «Գոհար» և «Արփի» պանիրները։ Իսկ վերջում, ինչպես արդեն գեղեցիկ ավանդույթ է դարձել, կազմակերպեցինք փոքրիկ համտես-մրցույթ։ Հյուրերի քվեարկության արդյունքում առաջին տեղը զբաղեցրեց «Արփի» պանիրը, երկրորդը՝ «Գոհարը», իսկ երրորդը՝ բաստուրմայով պանիրը։ Այսպիսի այցելությունները մեզ համար պարզապես գործարանի շրջայց չեն։ Դրանք հնարավորություն են ներկայացնելու մեր աշխատանքը, մեր պանիրների պատմությունը և այն սերն ու հոգատարությունը, որը դնում ենք յուրաքանչյուր արտադրանքի մեջ։ Օրն ավարտեցինք ժպիտներով, ջերմ զրույցներով և, իհարկե, գեղեցիկ խմբակային լուսանկարով։ Շնորհակալ ենք մեր շվեյցարացի հյուրերին Էլոլայի օրը մեզ հետ կիսելու համար։ Թող այս համտեսից մնա ոչ միայն պանրի համը, այլև Սյունիքի ջերմության ու հյուրընկալության հիշողությունը։
8 օգս, 2026 թ.
Սյունիքի մարզպետարանի ներկայացուցիչներն այցելել են «Էլոլա» ՓԲԸ
Սյունիքի մարզպետի տեղակալ Նարե Ղազարյանը, խորհրդական Նվարդ Հարությունյանը և մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արա Նահապետյանն այցելել են Գորիսում գործող «Էլոլա» ՓԲԸ, որը մարզի կաթնամթերք արտադրող խոշոր ընկերություններից է։ Հյուրերը ծանոթացել են ընկերության արտադրական գործընթացին, աշխատանքի արդյունքներին և գրանցած հաջողություններին, որոնց հասնելու գործում կարևոր դեր ունեն նաև ոլորտին ուղղված պետական օժանդակության ծրագրերը։
Դառնալ Գործընկեր
Մենք համագործակցում ենք վաճառողների, ռեստորանների և արտահանողների հետ Հայաստանում և դրա սահմաններից դուրս։
Դառնալ Գործընկեր →