Elola-ի մասին
Մեր Պատմությունը
Աշխարհագրական հրաշալի դիրք, բնական հումք և սերնդեսերունդ փոխանցվող ավանդույթներ. սրանից է ծնունդ առել «ԷԼՈԼԱՆ»: 2003 թվականին մենք դարձանք Գորիսի պանրի գործարան ԲԲԸ-ի իրավահաջորդը և սեփականատերը՝ 2004 թ.-ից այն վերանվանելով «ԷԼՈԼԱ» ՓԲԸ, կատարելով գործարանի կապիտալ վերանորոգում և տեխնիկական վերազինում: «ԷԼՈԼԱ» ՓԲԸ-ի պանրի գործարանը գտնվում է Սյունիքի մարզի Գորիսի ենթաշրջանի Վերիշեն համայնքում: Գործելով Սյունյաց աշխարհի ալպիական գոտիներում՝ մենք համագործակցում ենք կաթի մատակարար ֆերմերների հետ, ովքեր անասնակերը ձեռք են բերում հենց այս տարածքներից: Արտադրական գործընթացները վերահսկում են մեր բարձրակարգ մասնագետները, ովքեր պարբերաբար վերապատրաստվում են Հայաստանում և արտերկրում, համագործակցելով պանրագործության ոլորտի համաշխարհային ճանաչում ունեցող ընկերությունների հետ:
Որակ և Հավաստագրում
Սանիտարահիգիենիկ արտադրամասեր, ժամանակակից սարքավորումներ և նորագույն տեխնոլոգիաների կիրառում՝ սա «ԷԼՈԼԱ»-ի ոճն է: Մեր արտադրանքի մեջ չկան կոնսերվանտներ, և արտադրության յուրաքանչյուր փուլ իրականացվում է խիստ հիգիենիկ և տեխնիկական վերահսկողությամբ:
Մեր Թիմը
Ավելի քան 40 տեղական աշխատող կազմում են Elola-ի հիմքը։